Otoskleroz, orta qulaq sümüklərinin xüsusilə də üzəngi sümüyünün hərəkətliliyinin azalması ilə gedən bir xəstəlikdir. Nəticədə səs dalğalarının daxili qulağa ötürülməsi zəifləyir və eşitmə tədricən azalır.
Əsas əlamətlər hansılardır?
- Tədricən artan eşitmə zəifliyi
- Bəzi hallarda qulaqda küy
- Səsli mühitdə danışanı daha yaxşı eşitmə hissi
- Nadir hallarda başgicəllənmə
Diaqnoz necə qoyulur?
Müayinə zamanı qulaq pərdəsi çox zaman normal görünür. Diaqnoz audiometriya, timpanometriya və lazım olduqda temporal sümüyün görüntülənməsi ilə dəqiqləşdirilir. Eşitmə itkisini başqa səbəblərdən ayırmaq doğru müalicə seçimi üçün vacibdir.
Müalicə variantları
Yüngül hallarda eşitmə cihazı faydalı ola bilər. Daha uyğun pasiyentlərdə isə stapedoplastika əməliyyatı tətbiq edilir. Bu əməliyyatda hərəkətsizləşmiş sümük hissəsi xüsusi protez ilə əvəz olunur və səs ötürülməsi yaxşılaşdırılır.
Əməliyyatdan sonra
Əksər pasiyentlərdə eşitmədə nəzərəçarpan yaxşılaşma qısa müddətdə hiss olunur. Qulağı sudan qorumaq, təzyiq yaradan hərəkətlərdən yayınmaq və kontrol müayinələrinə gəlmək uğurlu nəticə üçün önəmlidir.