Səs batıqlığı soyuqdəymə sonrası tez-tez rast gəlinir, lakin iki həftədən çox davam edirsə bunu sadəcə yorğunluqla əlaqələndirmək düzgün deyil. Xüsusilə siqaret çəkənlərdə və səsini peşəkar istifadə edənlərdə daha diqqətli yanaşmaq lazımdır.
Ən çox rast gəlinən səbəblər
- Səs tellərində iltihab və nodullar
- Reflüksə bağlı qıcıqlanma
- Həddindən artıq səs istifadəsi
- Səs tellərində polip və digər törəmələr
Müayinə necə aparılır?
Endoskopik səs teli müayinəsi ilə səs tellərinin hərəkəti və selikli qişanın vəziyyəti qiymətləndirilir. Bu, doğru diaqnoz və səs terapiyası, dərman və ya cərrahi qərarın verilməsi üçün əsasdır.
Nə vaxt təcili müraciət etmək lazımdır?
Səs batıqlığı ilə yanaşı nəfəsalma çətinliyi, udqunma ağrısı, boyunda şişlik və ya izah olunmayan arıqlama varsa, gecikmədən müayinəyə gəlmək lazımdır.