Qırtlaq həm səsin yaranmasında, həm də qidanın tənəffüs yollarına düşməsinin qarşısını almaqda mühüm rol oynayır. Bu səbəbdən qırtlaq xərçəngi yalnız onkoloji deyil, həm də funksional baxımdan ciddi problem yarada bilər.
Ən erkən əlamət nədir?
Ən vacib ilkin əlamət səsin dəyişməsi, xırıltılı və ya pıçıltılı olmasıdır. Siqaret çəkən şəxslərdə bu simptom xüsusilə diqqətlə qiymətləndirilməlidir.
Kimlər risk altındadır?
Çox siqaret çəkənlər, spirtli içki qəbul edənlər və davamlı qıcıqlandırıcı qidalanma vərdişləri olanlar daha yüksək risk daşıyır.
Niyə erkən diaqnoz vacibdir?
Əgər xəstə səs dəyişikliyi başlayan kimi endoskopik müayinəyə gəlirsə və xəstəlik erkən mərhələdə aşkarlanırsa, sağalma ehtimalı çox yüksək olur və səs funksiyasını qorumaq daha mümkün olur.
Mənbə: YouTube video